സ്പെയിനിന്റെ ക്രെഡിറ്റ് റേറ്റിംഗ് താഴ്ത്തി
മാഡ്രിഡ്: പ്രമുഖ ക്രെഡിറ്റ് റേറ്റിംഗ് ഏജന്സിയായ സ്റ്റാന്ഡേര്ഡ്സ് ആന്ഡ് പുവേഴ്സ് സ്പെയിനിന്റെ റേറ്റിംഗ് താഴ്ത്തി. രാജ്യത്തെ ഉയര്ന്ന ധനകമ്മി, നിലവിലെ സാമ്പത്തികരാഷ്ട്രീയ സാഹചര്യങ്ങള്, ഓഹരി വിപണിയിലെ മന്ദത, സമ്പദ് വ്യവസ്ഥയിലെ തളര്ച്ച എന്നീ കാര്യങ്ങള് കണക്കിലെടുത്താണ് റേറ്റിംഗ് താഴ്ത്തിയത്. ബിബിബി പ്ലസില് നിന്നു ബിബിബി മൈനസ് എന്ന നിലയിലേയ്ക്കാണ് റേറ്റിംഗ് താഴ്ത്തിയത്.
യൂറോസോണില് ഉയര്ന്ന ധനകമ്മിയും ഏറ്റവും കൂടുതല് തൊഴിലില്ലായ്മയും നേരിടുന്ന രാജ്യമാണ് സ്പെയിന്. പൊതുമേഖലയില് വേതനം വെട്ടിക്കുറച്ചും വിദ്യാഭ്യാസം, ആരോഗ്യം, സാമൂഹ്യക്ഷേമം തുടങ്ങിയ മേഖലകളില് സര്ക്കാരിന്റെ പങ്കാളിത്തം ചുരുക്കിയും അടുത്ത വര്ഷം 16,000 കോടി ഡോളര് മിച്ചംപിടിക്കാനാണ് പുതിയ ബജറ്റിലെ നിര്ദ്ദേശം.
