യുറേനിയം സന്പുഷ്ടീകരണം : ഇറാനുമായുള്ള ചര്ച്ച തുടങ്ങി
ഇസ്താംബുള് : ആണവപദ്ധതികളുമായി ബന്ധപ്പെട്ട ആശങ്ക അകറ്റുന്നതിന് ഇറാനുമായുള്ള ആറു പാശ്ചാത്യരാജ്യങ്ങളുടെ ചര്ച്ച ഇസ്താംബുളില് ആരംഭിച്ചു. ഇറാന്റെ ആണവപദ്ധതി സമാധാനത്തിനുവേണ്ടി ഉപയോഗിക്കുമെന്നു ഉറപ്പുവരുത്തുന്നതിനാണ് ചര്ച്ച. യുഎസ്, ഫ്രാന്സ്, റഷ്യ, ചൈന, ഇംഗ്ലണ്ട്, ജര്മനി, ടെഹ്റാന് എന്നീ രാജ്യങ്ങളിലെ പ്രതിനിധികളാണ് ചര്ച്ചയില് പങ്കെടുക്കുന്നത്.
ആയുധങ്ങള് ഉണ്ടാക്കുന്നതിനാവശ്യമായ തോതില് യുറേനിയം സന്പുഷ്ടീകരിക്കുന്നത് ഒഴിവാക്കുന്നതിനുള്ള സമവായം ചര്ച്ചയില് ഉണ്ടാകുമെന്നാണ് പ്രതീക്ഷ. ഇറാന്റെ ഭാഗത്തുനിന്നു വലിയ വാഗ്ദാനങ്ങള് ലഭിക്കുമെന്നു തോന്നുന്നില്ലെന്ന് യൂറോപ്യന് യൂണിയന് വക്താവ് പറഞ്ഞു. യുറേനിയം സന്പുഷ്ടീകരിക്കുന്നത് ഊര്ജാവശ്യങ്ങള്ക്കാണെന്ന നിലപാടിലാണ് ഇറാന് .
