മഞ്ജുള ചെല്ലൂര് സ്ഥാനമേറ്റു
തിരുവനന്തപുരം: കേരള ഹൈക്കോടതി ചീഫ് ജസ്റ്റിസായി മഞ്ജുള ചെല്ലൂര് സ്ഥാനമേറ്റു. ഗവര്ണര് എച്ച്.ആര്.ഭരദ്വാജ് സത്യവാചകം ചൊല്ലിക്കൊടുത്തു. ഹൈക്കോടതി ആക്ടിംഗ് ചീഫ് ജസ്റ്റിസായി പ്രവര്ത്തിച്ചു വരികയായിരുന്നു മഞ്ജുള ചെല്ലൂര്. കേരള ഹൈക്കോടതിയില് സ്ഥാനമേല്ക്കുന്ന മൂന്നമത്തെ വനിതാ ചീഫ് ജസ്റ്റിസാണ് മഞ്ജുള ചെല്ലൂര്. ചടങ്ങില് മുഖ്യമന്ത്രി ഉമ്മന് ചാണ്ടി, ധനമന്ത്രി കെ.എം.മാണി, സ്പീക്കര് ജി.കാര്ത്തികേയന്, മന്ത്രിമാരായ വി.എസ്.ശിവകുമാര്, പി.ജെ.ജോസഫ് തുടങ്ങിയവരും പങ്കെടുത്തു.
1955-ല് കര്ണാടകയിലെ ബെല്ലാരിയിലാണ് ജനനം. 1976-
ആഗസ്റ്റ് 11ന് ബെല്ലാരി ജില്ലാ കോടതിയില് അഭിഭാഷകവൃത്തി ആരംഭിച്ചു. 1998 ഏപ്രില് 15ന് കര്ണാടകയില് ജില്ലാ ജഡ്ജിയായാണ് ന്യായാധിപ രംഗത്ത് മഞ്ജുളാ ചെല്ലൂരിന്റെ തുടക്കം. 2000 ഫെബ്രുവരി 21ന് കര്ണാടക ഹൈക്കോടതി അഡീഷണല് ജഡ്ജിയായും പീന്നീട് സ്ഥിരം ജഡ്ജിയായും സേവനമനുഷ്ഠിച്ചു.
കേരള സംസ്ഥാനം രൂപീകൃതമായ 1956 നവംബര് 1 ന് ആണ് കേരള ഹൈക്കോടതിയും രൂപീകൃതമായത്.
കേരള ഹൈക്കോടതിയുടെ ആസ്ഥാനം - എറണാകുളം
പ്രസിഡന്റാണ് ഹൈക്കോടതിയിലെ ജഡ്ജിമാരെ നിയമിക്കുന്നത്.
ഹൈക്കോടതി ചീഫ് ജസ്റ്റിസ് ആണ് സംസ്ഥാന ഗവര്ണര്ക്ക് സത്യപ്രതിജ്ഞ ചൊല്ലിക്കൊടുക്കുന്നത്.
കേരള ഹൈക്കോടതിയിലെ ആദ്യ വനിതാചീഫ് ജസ്റ്റിസാണ് ജസ്റ്റിസ് സുജാതാ വി. മനോഹര് (1997).
കേരള ഹൈക്കോടതിയില് ചീഫ് ജസ്റ്റീസാകുന്ന ആദ്യത്തെ കേരളീയ വനിതാ ജസ്റ്റിസാണ് കെ.കെ.ഉഷ.
ജസ്റ്റിസ് പി. ഗോവിന്ദമേനോന് : സുപ്രീംകോടതി ജഡ്ജിയായ ആദ്യമലയാളി (1956 മുതല് 1957 വരെ)
കേരള ഹൈക്കോടതിയുടെ ആദ്യത്തെ ചീഫ് ജസ്റ്റിസ് - കെ.ടി. കോശി
