ടട്രയുമായി കരാര് ഒപ്പുവച്ചത് എന്.ഡി.എ
ന്യൂഡല്ഹി: യു.പി.എ സര്ക്കാര് ഒരു ട്രക്കുപോലും ടട്രയില്നിന്ന് വാങ്ങിയിട്ടില്ലെന്ന് പ്രതിരോധമന്ത്രി എ.കെ ആന്റണി ലോക്സഭയെ അറിയിച്ചു. 2003 ല് എന്.ഡി.എ സര്ക്കാര് ഒപ്പുവച്ച കരാര് പ്രകാരമുള്ള ട്രക്കുകളാണ് ഇപ്പോള് സൈന്യത്തിന് ലഭിക്കുന്നത്. കരസേന ആവശ്യപ്പെട്ടതനുസരിച്ച് 2008 ല് പ്രതിരോധ സംഭരണ കൗണ്സില് മാനദണ്ഡങ്ങളില് മാറ്റംവരുത്തി. അതിനുശേഷം ഒരു ടട്ര ട്രക്കുപോലും വാങ്ങിയിട്ടില്ലെന്ന് അദ്ദേഹം പറഞ്ഞു.
973 മുതല് ഇന്ത്യ ടട്രയില്നിന്ന് ട്രക്കുകള് വാങ്ങുന്നുണ്ട്. 1997 ല് ടട്രയുമായുള്ള കരാര് ഇന്ത്യ പുതുക്കി. 2003 ല് ടട്രയുമായി മറ്റൊരു കരാറില് ഇന്ത്യ ഏര്പ്പെട്ടു. ഈ കരാറാണ് ഇപ്പോഴും തുടരുന്നത്.6500 ഓളം ടട്രാ ട്രക്കുകള് ഇന്ത്യ വാങ്ങിയിട്ടുണ്ട്. എന്.ഡി.എ ഭരണകാലത്ത് 1999 നും 2003 നും ഇടയില് പ്രത്യേക സാഹചര്യം ചൂണ്ടിക്കാട്ടി 2950 ട്രക്കുകള് ടട്രയില്നിന്ന് വാങ്ങിയെന്നും ആന്റണി അറിയിച്ചു.
